- سہلاؤشریف میں 155 واں عرس بخاری وسالانہ جلسۂ دستارفضیلت 5مارچ کو
امین ملت حضرت پروفیسر سید محمدامین میاں قادری مدظلہ العالی کی خصوصی آمد
باڑمیر،راجستھان/(پریس ریلیز)
مغربی راجستھان کی عظیم وممتاز اور علاقۂ تھار کی مرکزی دینی درسگاہ دارالعلوم انوارمصطفیٰ سہلاؤشریف کاسالانہ جلسۂ دستارفضیلت،حفظ وقراءت وتقریب ختم بخاری شریف اور قطب تھار حضرت پیرسیدحاجی عالی شاہ بخاری علیہ الرحمہ کا 155 واں/حضرت پیر سیدعلاؤالدین شاہ بخاری کا 51 واں اور بانئِ دارالعلوم انوارمصطفیٰ حضرت پیرسیدکبیر احمدشاہ بخاری نوراللہ مرقدہ کا 9) واں عرس بخاری 12 شعبان المعظم 1444ھ/05 مارچ 2023ء بروز: اتوار[دوشنبہ کی رات] دارالعلوم کے مہتمم وشیخ الحدیث اور خانقاہ عالیہ بخاریہ سہلاؤشریف کے صاحب سجادہ خلیفۂ حضور امین ملت نورالعلماء پیرطریقت حضرت علامہ الحاج سیدنوراللہ شاہ بخاری مدظلہ العالی کی قیادت میں [شرعی مراسم کی پابندی کےساتھ] انتہائی عقیدت واحترام اور شان وشوکت کے ساتھ منایا جائے گا-
جس میں سرپرست ادارہ واجلاس سرمایۂ اہلسنت تاج المشائخ تاجدارمارہرہ شیخ طریقت امین ملت حضرت پروفیسرسیدمحمدامین میاں صاحب قادری برکاتی سجادہ نشین خانقاہ عالیہ قادریہ برکاتیہ مارہرہ مطہرہ کی خصوصی آمد ہوگی-
خصوصی خطاب جانشین مفتئ اعظم راجستھان حضرت علامہ مفتی شیرمحمدخان صاحب قبلہ رضوی شیخ الحدیث دارالعلوم اسحاقیہ جودھپور و شہزادۂ حضور فقیہ ملت حضرت علامہ مفتی ابرار احمد صاحب امجدی،مرکزتربیت افتاء اوجھاگنج،بستی،یوپی کریں گے-
مذرکورہ عرس وجلسہ کی تقریبات میں ملک کے مایہ ناز علماء وشعراء اور ارباب علم وفن خصوصیت کےساتھ شرکت کریں گے-
پروگرام کی تفصیل کچھ اس طرح ہے-
بعدنمازفجر:اجتماعی قرآن خوانی ودعا-
بعدنمازظہر:ختم بخاری شریف[بزبان فیض ترجمان:جانشین حضور مفتی اعظم راجستھان حضرت مفتی شیر محمدصاحب قبلہ رضوی]
بعدنمازعصر:چادرپوشی وگل پاشی وقل شریف[احاطۂ درگاہ شریف]
بعدنمازمغرب:دارالعلوم وشاخہائے دارالعلوم کے طلبہ کا دینی، علمی، اصلاحی و ثقافتی پروگرام –
بعدنمازعشاء:تقاریر وتاثرات علماءکرام ومشائخ ذوی الاحترام،بعدہ رسم دستاربندی، صلوة وسلام ودعا پر اختتام-
عرس بخاری وجلسۂ دستار فضیلت کی جملہ تقریبات میں انتظامیہ کمیٹی درگاہ حضرت پیرسیدحاجی عالی شاہ بخاری، محبان جہانیاں کمیٹی اور دارالعلوم انوارمصطفیٰ سہلاؤشریف کے جملہ اراکین ومنتظمین نے عوام اہل سنت سے زیادہ سے زیادہ تعداد میں شرکت کی اپیل کی ہے-
رپورٹ:محمدشمیم احمدنوری مصباحی
خادم:دارالعلوم انوارمصطفیٰ سہلاؤشریف،باڑمیر(راجستھان)